Mae deall arloesedd wedi caniatáu i ni archwilio a datblygu rhaglenni sy'n galluogi eraill i fod yn fwy arloesol. Trwy fapio ac edrych ar yr amodau sy'n galluogi arloesedd i ffynnu, rydym wedi dod yn eiriolwyr ac yn gefnogwyr i'r rhai yng Nghymru sydd â syniadau newydd.
Ein rhaglen Arloesi er mwyn Arbed yw'r enghraifft orau o alluogi arloesedd hyd yma. Y tu hwnt i'r gefnogaeth ariannol, bu ein rheolwyr rhaglenni a'n hymchwilwyr yn gweithio ochr yn ochr â'n prosiectau i'w cefnogi i ddatblygu, gweithredu a gwerthuso eu syniadau. Mae'r meithrin syniadau gwybodus hwn wedi rhoi ystod ehangach o sectorau yng Nghymru i arbrofi a chael 'lle diogel i fethu'.
Y tu hwnt i gefnogi prosiectau penodol, rydyn ni'n adeiladu rhaglenni newydd a fydd yn cymryd y gwersi rydyn ni wedi'u dysgu ac yn helpu i alluogi newidiadau systemau ar draws y sector cyhoeddus. Credwn y gall ac y dylai galluogi arloesedd fynd y tu hwnt i brosiectau untro, a dylai helpu i osod y sylfaen ar gyfer cenhedlaeth newydd o arloeswyr hyderus, galluog yng ngwasanaethau cyhoeddus Cymru.
